கருப்பு திரைப்படம் விமர்சனம்

சூர்யா நடிப்பில் கடைசியாக திரையரங்குகளில் வெளியான படம் ‘ரெட்ரோ’. இந்தப் படத்துக்குப் பிறகு சூர்யா நடிப்பில் உருவாகியுள்ள படம் ‘கருப்பு’. த்ரிஷா, ஆர்.ஜே.பாலாஜி, இந்திரன்ஸ், யோகிபாபு, நட்டி, சுவாசிகா, மன்சூர் அலிகான், ஜார்ஜ் மரியான் உள்ளிட்ட பலர் நடித்துள்ளனர். சாய் அபயங்கர் இசையமைத்துள்ளார். ஆர்.ஜே.பாலாஜி இயக்கியுள்ள இந்தப் படத்தை ட்ரீம் வாரியர் பிக்சர்ஸ் நிறுவனம் தயாரித்துள்ளது.பெரும் எதிர்பார்ப்பை ஏற்படுத்திய இந்தப் படம் கடந்த ஆண்டே வெளியாகும் எனக் கூறப்பட்டது. ஆனால், பல்வேறு காரணங்களால் ரிலீஸ் ஆக தாமதமானது. கடைசி நாளாக நேற்று வெளியாகவிருந்து நிதி பிரச்சினை காரணமாக மீண்டும் தாமதமானது. ஒரு வழியாக பிரச்சினைகள் அனைத்து முடிந்து இன்று படம் ரிலீசாகியிருக்கிறது. படம் குறித்து நெட்டிசன்கள் வெளியிட்டுள்ள விமர்சனங்களை பார்க்கலாம்.ஒரு பயனர், “கருப்பு படத்தின் முதல் பாதி சுமாராக உள்ளது. டெக்னிக்கல் வேலைப்பாடு படத்தில் வலுவாக இருக்கிறது. அதோடு, சண்டைக் காட்சிகளும் மிகச்சிறப்பாக படமாக்கப்பட்டுள்ளன. சூர்யாவின் அறிமுகக் காட்சியும், இடைவேளைக் காட்சியும் தனித்து நிற்கின்றன. ஆர்.ஜே. பாலாஜியின் கதாபாத்திரம் சுவாரஸ்யமாக இருப்பதோடு, ஒரு சில இடங்களில் நல்ல விறுவிறுப்பையும் தருகிறது. இருப்பினும், வழக்கமான கதைக்களமும், கணிக்கக்கூடிய திரைக்கதையும் படத்திற்குச் சற்று பின்னடைவாக அமைந்துள்ளன.” என்று பதிவிட்டுள்ளார்.மற்றொரு பயனர், “கருப்பு திரைப்படம்… நீண்ட இடைவேளைக்குப் பிறகு ஒரு பக்காவான கமர்ஷியல் என்டர்டெய்னர். 100 சதவீதம் சூர்யா முழுமையான ‘பீஸ்ட் மோடில்’ மிரட்டியிருக்கிறார். நடிகராகவும், இயக்குநராகவும் ஆர்.ஜே. பாலாஜி ஜொலிக்கிறார். இடைவேளை மற்றும் கிளைமாக்ஸ் காட்சிகள் அனல் பறக்கின்றன.” என்று குறிப்பிட்டிருக்கிறார். “உண்மையைச் சொல்லப்போனால், இந்தப் படம் சூர்யாவிற்கு ஒரு ‘கம்பேக்’ படமே கிடையாது. ஒருவேளை அவருடைய அன்பான ரசிகர்களுக்கு இது கொண்டாட்டமாக இருக்கலாம். ஏனென்றால் முதல் பாதியில் 2-3 தியேட்டர் மொமெண்ட்ஸும், கிளைமாக்ஸின் கடைசி 15 நிமிடங்களும் நன்றாக இருந்தன. நான் அதிகம் சொல்ல விரும்பவில்லை, சுருக்கமாகச் சொன்னால் இந்தப் படத்தில் ஒன்றுமே இல்லை.. விசுவநாதன் சன்ஸ் படம் தான் சூர்யாவிற்கு உண்மையான ‘கம்பேக்’ ஆக இருக்கலாம். சாய் அபயங்கரின் பின்னணி இசைதான் ஓரளவுக்கு இந்தப் படத்தைக் காப்பாற்றியிருக்கிறது. உண்மையாக.. எதிர்மறையாகச் சொல்ல வேண்டும் என்ற நோக்கம் இல்லை, ஆனால் உண்மை என்னவென்றால் கதை சொல்லப்பட்ட விதம் மிகவும் பிளாட்டாக இருக்கிறது.” என்று கூறியிருக்கிறார்.”கருப்பு திரைப்படம் எழுத்து ரீதியாக இந்தப் படம் அவ்வளவு சிறப்பாக இல்லை. ஆனாலும் தியேட்டரையே அதிரவைக்கும் சில மொமெண்ட்ஸ் இதில் உள்ளன. ‘வின்டேஜ்’ சூர்யா மீண்டும் அதிரடியாகத் திரும்பி வந்துள்ளார். நடிகராகவும் இயக்குநராகவும் ஆர்.ஜே. பாலாஜி ஜொலிக்கிறார். டெக்னிக்கல் ரீதியாக படம் நன்றாக உள்ளது. பின்னணி இசை இன்னும் சிறப்பாக இருந்திருக்கலாம். வசனங்கள் அருமை. எமோஷ்னல் காட்சிகள் சில இடங்களில் ஒர்க் அவுட் ஆகியுள்ளன, சில இடங்களில் இல்லை. ஒட்டுமொத்தமாக இது பார்க்கக்கூடிய ஒரு நல்ல திரைப்படம்” என்று பதிவிட்டுள்ளார்.தயாரிப்பாளர் தனஞ்செயன் வெளியிட்ட எக்ஸ் பதிவில், “கருப்பு திரைப்படம் பல ரசிக்கத்தக்க தியேட்டர் மொமெண்ட்ஸுடன் உருவாக்கப்பட்ட ஒரு ‘காட் மோட்’ மாஸ் பேண்டஸி திரைப்படம். நல்ல எமோஷ்னல் பிணைப்புடன் கூடிய ஒரு கோர்ட்ரூம் டிராமா. கடவுள் கருப்புவாக சூர்யா பிரமாதப்படுத்தியிருக்கிறார். படம் முழுவதும் அதிரடி மற்றும் மாஸ் மோட், குறிப்பாக அந்த கிளைமாக்ஸ் காட்சி.. செம்ம! அவர் மிரட்டியிருக்கிறார். ஒரு சுவாரஸ்யமான அனுபவம். ஆர்.ஜே. பாலாஜி மற்றும் த்ரிஷாவின் சிறப்பான நடிப்போடு படம் நேர்த்தியாக உருவாக்கப்பட்டுள்ளது. சாய் அபயங்கரின் பாடல்களும் பின்னணி இசையும் படத்திற்குப் பலமான ஆதரவு.” என்று தனது விமர்சனத்தை தெரிவித்துள்ளார்.